ABŞ Gürcüstanın sabiq baş naziri, “Gürcü Arzusu”nun fəxri sədri, milyarder Bidzina İvanişviliyə qarşı sanksiyalar tətbiq edib.
Senzor.az bildirir ki, bu barədə ABŞ Maliyyə Nazirliyinin saytında məlumat verilib.
Bildirilib ki, Birləşmiş Ştatlar təkbaşına İvanişviliyə “Gürcüstanın demokratik və Avro-Atlantik gələcəyinə zərbə vurduğuna görə” sanksiya tətbiq edib.
Məlumata görə, sanksiyalara İvanişvilinin ABŞ-dakı bütün aktivlərinin dondurulması daxildir.
Qeyd edək ki, dekabrın 13-də Vaşinqton Gürcüstanda demokratiyanı sarsıtmaqda məsuliyyət daşıyanlara qarşı viza məhdudiyyətləri tətbiq edib. Siyahıya 20 nəfər daxil olub, onların adları çəkilməyib. Vaşinqton qeyd edib ki, Tbilisi nümayəndələrinə qarşı başqa məhdudiyyətlər də tətbiq olunacaq.
Ukrayna da, həmçinin etirazları dağıtdığına görə Gürcüstan hakimiyyətinə qarşı sanksiyalar tətbiq edib. Məhdudiyyət tətbiq olunanların siyahısına B. İvanişvili və ölkənin Baş naziri İrakli Kobaxidze də daxildir.
