"Böyük Britaniya Şimal dənizində neft və qaz hasilatından imtina etməyi planlaşdırmaqla çox böyük səhv edir. Şimal dənizini açın! Külək dəyirmanlarından qurtulun!".
Bunu ABŞ-ın yeni seçilmiş Prezidenti Donald Tramp "Truth Social" şəbəkəsində yazıb.
Oxu.az xatırladır ki, ABŞ-ın "Apache" neft şirkətinin sahibi olan APA korporasiyası 2029-cu ilə qədər Şimal dənizindəki fəaliyyətini dayandıracağını açıqlayıb. Şirkət yüksək vergilər və ekoloji qaydaların tətbiqinin işi mənfəətsiz etdiyini bildirib. Belə ki, Britaniya hökuməti tərəfindən neft və qaz hasilatçılarına tətbiq edilən izafi mənfəət vergisi üç faiz bəndi artırılaraq 38%-ə çatdırılıb.
