Uşaq Hüquqları Konvensiyasına zidd olaraq İranda 4200 şagird əməliyyat bölgələrinə göndərilib.
Bu barədə "Azad İran" "Telegram" kanalı məlumat verib.
İranın Uşaq Hüquqları Konvensiyası və uşaqların hərbi işlərdə istifadə edilməməsi bölməsi üzrə beynəlxalq öhdəliklərə zidd olaraq, Kohgiluye və Buyer Əhməd əyalətində 4200 şagird cənub əməliyyat bölgələrindəki "Rahiyan-e-Nur" (Nur Yolçuları) adlı düşərgəyə göndərilib.
"Plana görə, "Rahiyan-e-Nur" düşərgəsi çərçivəsində əyalətdən 5000 şagird cənubdakı döyüş bölgələrinə göndərilməlidir ki, onlardan indiyədək 4200-ü aparılıb və bu ilin sonuna qədər daha 800 şagird bu ərazilərə gedəcək", - əyalət başçısı Yadullah Rəhmani bu haqda açıqlama verərkən bildirib.
