Türkiyə Prezidenti Rəcəb Tayyib Ərdoğan və xanımı Əminə Ərdoğan Pakistana səfər edib.

Senzor.az bildirir ki, Türkiyə liderini İslamabad aeroportunda Pakistan Prezidenti Asif Ali Zerdari, Baş nazir Şahbaz Şərif və digər rəsmi şəxslər qarşılayıblar.

Türkiyə Prezidentini nazirlər, yüksəkvəzifəli dövlət rəsmiləri və korporativ rəhbərlərdən ibarət yüksəksəviyyəli nümayəndə heyəti müşayiət edir. Səfər zamanı dövlət rəhbərləri Pakistan-Türkiyə Yüksəksəviyyəli Strateji Əməkdaşlıq Şurasının 7-ci sessiyasına həmsədrlik edəcəklər.

Sessiyanın sonunda Birgə Bəyannamənin və bir sıra mühüm sazişlərin, memorandumların imzalanması gözlənilir. Liderlər, həmçinin mətbuata birgə bəyanatla çıxış edəcəklər.