İsrailin kəşfiyyat xidməti İordan çayının qərb sahilində 100 kiloqramlıq bombadan istifadə edilməklə törədiləcək terror aktının qarşısını alıb.

Bu barədə "Ynet" xəbər portalı İsrailin Ümumi Təhlükəsizlik Xidmətinə (ŞABAK) istinadən məlumat yayıb.

ŞABAK və təhlükəsizlik qüvvələri keçən ay Cenin yaxınlığındakı Kabatiya yaşayış məntəqəsi ərazisində terror qruplaşmasını zərərsizləşdirib. Qruplaşmanın böyük terror aktları törətməyi planlaşdıran üzvləri həbs edilib.

Xəbər portalının qeyd etdiyinə görə, döyüşçülər 100 kiloqramlıq güclü partlayıcı qurğu əldə ediblər və ondan İsrail Müdafiə Qüvvələrinə (SAXAL- IDF) qarşı istifadə etmək niyyətində olublar.