Belarus Prezidenti Aleksandr Lukaşenko Ukrayna, Rusiya və ABŞ liderləri Volodimir Zelenski, Vladimir Putin və Donald Trampı Minskə dəvət edib.
Senzor.az bildirir ki, Lukaşenko bu təklifi amerikalı bloqer Mario Naufala müsahibəsində səsləndirib.
O, Ukraynadakı münaqişənin dinc yolla nizamlanmasına dair danışıqların Belarusda keçirilə biləcəyini təklif edib: “İstəyirsiniz gəlin, Belarus sərhədindən Kiyevə qədər 200 kilometrdir. Təyyarə ilə yarım saat vaxt tələb olunur. Sakit, səs-küysüz razılaşarıq. Buna görə də Trampa çatdırın ki, onu burada Putin və Zelenski ilə birgə gözləyirəm”.
