Kiyev ABŞ-ın verdiyi hərbi yardımı borc kimi qəbul etməyəcək.
UNİAN xəbər verir ki, bunu Ukrayna Prezidenti Volodimir Zelenski deyib.
Onun sözlərinə görə, Ukrayna ABŞ-dan əvvəlki çərçivə sənədindən tamamilə fərqli olan kritik faydalı qazıntılar üzrə yeni saziş layihəsi alıb.
"Biz dəstəyə görə minnətdarıq, lakin bu kredit deyil və biz buna icazə verməyəcəyik".
Yeri gəlmişkən, V.Zelenski onu da deyib ki, ABŞ bundan sonra Ukraynaya pulsuz yardım etməyəcək: “Bu komanda bizim üçün pulsuz heç nə etməyəcək, rəsmi olaraq belə deyirlər”.
Xatırlatma: Bundan əvvəl “Evropeiskaya pravda” nəşri məlumat vermişdi ki, Ukrayna və ABŞ arasında mineral ehtiyatlara dair yeni saziş layihəsi Kiyevdən göstərilən bütün yardımları kompensasiya etməyi tələb edir. Onun məbləği 120 milyard dolları keçə bilər.
