Myanmada zəlzələ nəticəsində ölənlərin sayı 3 145 nəfərə çatıb, 4 589 nəfər yaralanıb, 221 nəfər isə itkin düşüb.
Bu barədə Çinin “Xinhua“ agentliyi məlumat yayıb.
Məlumata görə, hələ də axtarış-xilasetmə əməliyyatları davam etdirilir.
İndiyədək dağıntılar altından 653 nəfər xilas edilib, 626 nəfərin isə cəsədi çıxarılıb.
Xatırladaq ki, martın 28-də Cənub-Şərqi Asiyada güclü zəlzələ baş verib. Müxtəlif məlumatlara görə, onun maqnitudası 7,7-7,9 arasında dəyişib. ABŞ Geoloji Xidməti (USGS) zəlzələnin episentrinin Mandalaydan təxminən 17,2 km aralıda, 10 km dərinlikdə olduğunu bildirib. Bunun ardınca 6,4 maqnitudalı ikinci zəlzələ də baş verib.
Myanmada bir həftəlik milli matəm elan edilib. Ölkənin dövlət bayrağı aprelin 6-dək yarıya qədər endirilib.
