"İsrailin hərbi hədəflərə hücumları Suriyadakı yeni hökumətin təhdidlərin qarşısını almaq qabiliyyətini sarsıdır".
Bunu Türkiyənin xarici işlər naziri Hakan Fidan "Reuters"ə müsahibəsində deyib.
Türkiyənin XİN rəhbəri vurğulayıb ki, Suriyanın müvəqqəti Prezidenti Əhməd əl-Şəra və onun administrasiyası Ankaranın yaxın müttəfiqidir, amma İsrailin hərəkətləri regional təhlükəsizliyi pozur.
H.Fidan əlavə edib ki, baş verən bütün hadisələrin fonunda Türkiyə Suriyada İsraillə qarşıdurmaya getmək istəmir.
