İsrail Müdafiə Qüvvələri HƏMAS hərəkatının komanda-nəzarət mərkəzinə zərbə endirib.

Teleqraf xəbər verir ki, bu barədə İsrail ordusunun mətbuat xidməti məlumat yayıb.

Bildirilib ki, HƏMAS bu kompleksi İsrail vətəndaşlarına və hərbçilərinə qarşı terror hücumlarını planlaşdırmaq və həyata keçirmək üçün istifadə edirdi.

Zərbə öncəsi mülki şəxslərin və xəstəxananın zərər görməməsi üçün qabaqcadan xəbərdarlıqlar və dəqiq döyüş sursatlarından istifadə olunub.

İsrail ordusu, HƏMAS-ın mülki infrastrukturdan və əhalidən canlı qalxan kimi istifadə etdiyini və bunun beynəlxalq hüququ pozduğunu bildirərək, tibb müəssisələrində hərbi fəaliyyətlərin dayandırılmasını tələb edib.