NATO-nun Baş katibi Mark Rutte aprelin 15-də planlaşdırılmamış səfərlə Ukraynaya gəlib.
Senzor.az bildirir ki, bu barədə Alyans rəhbəri sosial şəbəkədə yazıb.
“Ukrayna xalqı çox şey yaşayıb. NATO-nun dəstəyi sarsılmazdır. Biz Ukraynaya kömək etməyə davam edəcəyik”, - Rutte qeyd edib.
Bununla belə, o, Ukrayna Prezidenti Volodimir Zelenski ilə birgə keçirdiyi mətbuat konfransında bildirib ki, NATO münaqişənin həlli prosesinə müdaxilə etmək niyyətində deyil.
Baş katib danışıqların asan getmədiyini etiraf edib: “Ukraynadakı münaqişənin həlli üzrə aparılan danışıqlar çətin keçir”.
Bundan əlavə, o, ABŞ Prezidenti Donald Trampın münaqişənin sülh yolu ilə həllinə yönəlmiş səylərini dəstəklədiyini vurğulayıb.
