ABŞ Prezidenti Donald Tramp İranla nüvə razılaşmasına nail olunacağına ümid etdiyini bildirib.
Bu barədə o, “Time” nəşrinə müsahibəsində danışıb.
D.Tramp, həmçinin İranın ali rəhbərliyinin nümayəndələri ilə görüşməyə hazır olub-olmadığı barədə suala "əlbəttə" deyə müsbət cavab verib.
Bundan əlavə, o, guya İsraili İrana zərbə endirməkdən çəkindirdiyi barədə məlumatı təkzib edib: "Bu belə deyil. Mən onları (israilliləri) dayandırmadım. Düşünürəm ki, biz zərbə endirmədən razılaşma əldə edə bilərik. Ümid edirəm ki, biz buna nail olarıq".
