İsrailin xarici işlər nazirinin 15 ildən sonra ilk dəfə Yaponiyaya səfəri baş tutub.

Senzor.az yerli KİV-ə istinadən bildirir ki, bu barədə İsrailin Xarici İşlər Nazirliyi (XİN) məlumat yayıb. 

Qeyd olunub ki, nazir Gideon Saar üçgünlük səfəri çərçivəsində həmkarı Takeşi İvaya, Yaponiya-İsrail Parlament Dostluq Qrupunun üzvləri və digər ali hökumət nümayəndələri ilə görüşlər keçirəcək. O, eyni zamanda, Yaponiyada keçirəcəyi günlərdə yerli mətbuata müsahibələr verərək, iki ölkə arasında münasibətlərin uğurla irəlilədiyini diqqətə çatdıracaq.

Məlumat üçün diqqətə çatdıraq ki, bu səfərədək Baş nazir Benyamin Netanyahunun 2014-cü il mayın 12-də Yaponiyaya səfəri İsrail hökumətindən bu ölkəyə baş tutmuş axırıncı mühüm diplomatik səfər idi.