ABŞ Prezidenti Donald Trampın Suriyaya qarşı məhdudlaşdırıcı tədbirləri ləğv etmək niyyəti ilə bağlı bəyanatını alqışlayırıq.
Senzor.az yerli KİV-ə istinadən bildirir ki, , bunu Suriya xarici işlər naziri Əsəd əş-Şeybani deyib.
"Biz ABŞ Prezidenti Donald Trampın Suriyaya qarşı tətbiq edilən sanksiyaların ləğvi ilə bağlı son bəyanatlarını alqışlayırıq. Bu hadisə Suriya xalqı üçün böyük dönüş nöqtəsidir, çünki ölkə gələcəyin qurulması və sabitliyin əldə edilməsi, özünü təmin etmək, eləcə də dağıdıcı müharibə illərindən sonra bərpa kursunu seçdi", - deyə o qeyd edib.
Xatırladaq ki, ABŞ Prezidenti Donald Tramp Səudiyyə Ərəbistanında keçirilən investisiya forumunda çıxışı zamanı Suriyaya “şans vermək” məqsədilə bu ölkəyə qarşı tətbiq olunmuş sanksiyaları ləğv etməyi planlaşdırdığını bəyan edib.
Söhbət sabiq prezident Bəşər Əsədin hakimiyyəti dövründə ABŞ-ın Suriyaya tətbiq etdiyi sanksiyalardan gedir.
