İranda İnsan Haqları Mərkəzi İranı vəkillər üçün ən təhlükəli ölkələrdən biri elan edib.

Bu barədə "Azad İran" "Telegram" kanalı "Deutsche Welle"yə istinadən məlumat yayıb.

Qeyd olunub ki, hazırda İranda cinayət işi olmayan və işlərini davam etdirə bilən cəmi 12 insan haqları vəkili var.

Məlumata görə, "Qadın, Həyat, Azadlıq" şüarı altında xalq etirazlarından sonra ölkədə 66 vəkil sırf öz müvəkkillərini müdafiə etdiyi üçün həbsə atılıb. Eyni zamanda, son 10 ildə 50 hüquq müdafiəçisi hakimiyyətin basqıları ilə üzləşib.

Qeyd olunub ki, edam cəzalarının icrası ilə bağlı tənqidi və etiraz xarakterli fikirlər səsləndirən 12 vəkilə qarşı da cinayət işi açılıb.