"İsrailin Baş naziri Benyamin Netanyahu ilə hər gün zəngləşirəm".
"Kommersant" nəşri xəbər verir ki, bunu ABŞ Prezidenti Donald Tramp deyib.
Ağ Ev rəhbəri bildirib ki, israilli Baş nazirə İrana qarşı siyasətini davam etdirməyi məsləhət görüb.
Bununla belə, Tramp Netanyahuya böyük miqdarda hərbi yardım verib-verməyəcəyinə əmin olmadığını vurğulayıb.
Bu arada Netanyahu da Trampla “səmimi söhbət” etdiyini bildirib və ona təşəkkür edib.
Senzor.az bildirir ki, Baş nazirin ofisi yaydığı açıqlamada Netanyahunun bu sözlərini sitat gətirib: "İsrail Dövlətinin böyük dostu olan Prezident Trampa təşəkkür etmək istəyirəm. Ona dəstəyinə, bizim tərəfimizdə dayandığına və İsrailin səmasını qorumaqda ABŞ-ın göstərdiyi köməyə görə təşəkkür edirəm. Dünən axşam da daxil olmaqla, davamlı ünsiyyətdəyik. Çox səmimi söhbət oldu. Mən Prezident Trampa dəstəyinə görə təşəkkür edirəm".
