Ukrayna Prezidenti Volodimir Zelenski Böyük Britaniyanın Baş naziri Kir Starmerlə müdafiə sahəsində əməkdaşlığın inkişaf etdirilməsi məsələsini müzakirə edib və onunla dronların birgə istehsalına dair razılığa gəlib.

Senzor.az yerli KİV-ə istinadən bildirir ki, bu barədə Ukrayna lideri "X" sosial şəbəkəsində məlumat paylaşıb.

Zelenskinin sözlərinə görə, müzakirələr müdafiə sahəsində əməkdaşlığın inkişafı ilə bağlı olub.

O, bu cür əməkdaşlığın Ukraynaya mühüm layihələr, o cümlədən tutucu və uzaqmənzilli pilotsuz təyyarələrin yaradılması üçün sabit maliyyə almağa imkan verəcəyinə əmin olduğunu bildirib.

"Bugünkü görüşün yaxşı nəticəsi var - birgə istehsalla bağlı əlavə qərar", - deyə Ukrayna prezidenti qeyd edib.