İyulun 5-də mülki təyyarənin Prezident Donald Trampın getdiyi Bedminster şəhərindəki (Nyu-Cersi ştatı) qolf klubunun üzərində məhdudlaşdırılmış hava məkanına daxil olmasından sonra ABŞ Hərbi Hava Qüvvələrinin qırıcı təyyarələri səmaya qaldırılıb.

Senzor.az yerli KİV-ə istinadən bildirir ki, bu barədə Şimali Amerikanın Aerokosmik Müdafiə Komandanlığının nümayəndəsi məlumat yayıb.

Bildirilib ki, qırıcılar Bedminster üzərində müvəqqəti məhdudlaşdırılmış hava məkanını pozan mülki təyyarəni bölgədən təhlükəsiz şəkildə çıxaranadək müşayiət ediblər.

İnsidentin detalları ilə bağlı araşdırmalar aparılır.

O da qeyd olunub ki, ABŞ Prezidenti həftəsonlarını tez-tez Nyu-Cersidəki qolf klubunda keçirir.