İranın Ali Rəhbəri Əli Xamenei bildirib ki, Tehran regiondakı ABŞ hərbi obyektlərinə çatmaq və zərbə endirmək imkanına malikdir.

"Azad İran" "Telegram" kanalının məlumatına görə, bu barədə o, özünün "X" hesabındakı paylaşımında qeyd edib.

"İslam Respublikası Əl-Udeyd aviabazasına hücum edərək Vaşinqtonun üzünə şillə vurdu. İranın ABŞ-ın regiondakı mühüm mərkəzlərinə çıxışının olması və lazım gəldikdə hərəkətə keçə bilməsi sadəcə kiçik hadisə deyil, ciddi və təkrarlana biləcək məsələdir", - deyə Xamenei vurğulayıb.

Qeyd edək ki, Əl-Udeyd aviabazası ABŞ-ın Qətərdə yerləşən ən böyük hərbi bazalarından biridir.