Gürcüstanın İmereti regionunda torpaq sürüşməsi baş verib.
Senzor.az yerli KİV-ə istinadən bildirir ki, bu barədə ölkənin Daxili İşlər Nazirliyi məlumat yayıb.
Məlumata əsasən, dünən gecə saatlarında baş verən sürüşmə nəticəsində 4 ev torpaq altında qalıb.
Gürcüstan mətbuatının yazdığına görə, sürüşmə nəticəsində bir neçə yüz ev elektrik enerjisiz qalıb. Hadisə yerinə 200-dən çox xilasedici və onlarla texnika cəlb olunub.
Gürcüstan Daxili İşlər Nazirliyi Fövqəladə Halların İdarə Olunması Xidmətinin yaydığı son məlumata görə, torpaq sürüşməsi nəticəsində ölənlərin sayı 8-ə çatıb, daha bir nəfərin axtarışları davam edir.
