Türkiyədə AKP-nin seçki ilə bağlı tədbirinə silahlı hücum olub, xəsarət alan var.
Senzor.az yerli KİV-ə istinadən bildirir ki, bu barədə Türkiyənin daxili işlər naziri Əli Yerlikaya “X”dəki hesabında yazıb.
Nazir qeyd edib ki, saat 16.30 radələrində İstanbul şəhərinin Küçükçekmece rayonunda AKP-nin bələdiyyə sədrliyinə iddialısı Əziz Yeniayın namizədliyi irəli sürülən tədbirdə tüfəng və tapançadan atəş açılıb.
Hücum zamanı E.G.D adlı qadın yaralanıb. Hadisə ilə bağlı istintaq başladılıb.
“Xəsarət alan vətəndaşımıza tezliklə şəfa diləyirəm. Seçki prosesinə və demokratiyamıza qarşı belə iyrənc hücumları qətiyyətlə pisləyirəm”, - nazir qeyd edib.
Hadisə yerində təhlükəsizlik tədbirləri görən polis qrupları hadisəni törədən şəxs və ya şəxslərin tutulması üçün əməliyyata başlayıb.
