Qazax rayonunda piyadaların yaralanması ilə nəticələnən yol-nəqliyyat hadisəsi baş verib.
Senzor.az bildirir ki, hadisə rayonun Qarapapaq kəndində qeydə alınıb.
DİN-in Mətbuat Xidmətinin Gəncə regional qrupunun baş inspektoru Eşqin Qasımov jurnalistlərə bildirib ki, Qazax rayon sakini, 1980-ci il təvəllüdlü Zaur Orucov idarə etdiyi "VAZ-2107" ilə hərəkətdə olan zaman yolu keçmək istəyən iki piyadanı - 1975-ci il təvəllüdlü Elmira Şıxlinski və 2007-ci il təvəllüdlü Rəqsanə Məmmədovanı vurub.
Yaralılar xəstəxanaya yerləşdiriliblər. Onlardan birinin vəziyyətinin ağır olduğu bildirilir.
Faktla bağlı araşdırma aparılır.
