Ağdamda ölümlə nəticələnən yol-nəqliyyat hadisəsi baş verib.
Senzor.az-ın məlumatına görə, gecə saat 1 radələrində 1985-ci il təvəllüdlü Cabbarov Fərrux Nazim oğlu Xındırıstan kəndi istiqamətində "Lada Priora" markalı avtomobillə hərəkətdə olarkən idarəetməni itirərək onu ağaca çırpıb.
Nəticədə sürücü hadisə yerində ölüb.
Məlum olub ki, F.Cabbarov avtomobili sürücülük hüququ və etibarnamə olmadan idarə edib.
Faktla bağlı cinayət işi başlanaraq istintaq aparılır.
Qeyd edək ki, F.Cabbarov Ağdam Rayon İcra Hakimiyyəti başçısının Əlimədətli kənd inzibati ərazisi üzrə nümayəndəsi vəzifəsində çalışıb.
