Lerikdə minik avtomobili dərəyə aşıb.

APA-nın xəbərinə görə, hadisə bu səhər Lənkəran - Lerik yolunun 50-ci km-də  qeydə alınıb.

Lerik rayon sakini Xalid Eyvazovun idarə etdiyi "Toyota" markalı avtomobil yoldan çıxaraq təqribən 500 metr hündürlükdən dərəyə - çaya aşıb.

DİN-in Mətbuat Xidmətinin Lənkəran regional qrupundan verilən xəbərə görə, nəticədə avtomobildə olan sərnişin - İsmayıllı rayon sakini, 1959-cu il təvəllüdlü Telman Bağırov ölüb. Sürücü və digər sərnişin - Lerik rayon sakini R.Hüseynov isə xəsarət alıblar.

İlkin məlumatda hadisəyə səbəb kimi  yolun qarlı və buzlu olması göstərilir.

Faktla bağlı araşdırma aparılır.