Masallı rayonunda yol-nəqliyyat hadisəsi baş verib.
AZƏRTAC bildirir ki, hadisə Lənkəran-Boradigah-Masallı magistralının Boradigah kəndi ərazisindən keçən hissəsində qeydə alınıb.
Belə ki, Masallı rayonunun Hişkədərə kənd sakini, 1973-cü il təvəllüdlü Rövşən Məmmədrəhim oğlu Əliyevin idarə etdiyi “Mercedes” markalı minik avtomobili Türkoba kənd sakini, 1992-ci il təvəllüdlü Nurlan Sədrəddin oğlu Məmmədovun idarə etdiyi avtomobillə toqquşub.
Toqquşma nəticəsində N.Məmmədov və onun sərnişini - Masallı rayonunun Türkoba kənd sakini, 1984-cü il təvəllüdlü Coşqun Qiyas oğlu Rzayev xəsarət alıblar. Vəziyyəti ağır olan N.Məmmədov Masallıda özəl klinikaların birinə yerləşdirilib. Həkimlər ona kəllə-beyin travması və üst çənə sümüyünün sınığı diaqnozu qoyublar. C.Rzayev Masallı Rayon Mərkəzi Xəstəxanasına yerləşdirilib.
Faktla bağlı araşdırma aparılır.
