Goranboyda yol-nəqliyyat hadisəsi baş verib.

APA-nın məlumatına görə, hadisə Bakı-Qazax magistral yolunun rayon ərazisindən keçən hissəsində qeydə alınıb.

Hərəkətdə olan "Mercedes" markalı minik maşını arxadan "Ford Transit" markalı yük maşınına çırpılıb.

Qəza zamanı minik maşınının sürücüsü, 1998-ci il təvəllüdlü İslam Tağıyev xəsarət alıb.

İlkin məlumata görə, qəzaya səbəb yağışlı hava olub.

Hadisə yerinə DYP əməkdaşları cəlb olunub.