Bakının Nərimanov rayonunda zəncirvari yol-nəqliyyat hadisəsi baş verib.
APA bildirir ki, hadisə Fətəli xan Xoyski və Əhməd Rəcəbli küçələrinin kəsişməsində qeydə alınıb.
Belə ki, “Toyota Prius”, “Chevrolet” və 67 nömrəli marşrut avtobusu toqquşub.
Bir nəfər yüngül xəsarət alıb.
Qəza səbəbindən yolda sıxlıq müşahidə edilib.
Əraziyə polis əməkdaşları cəlb olunub.
Hadisənin təfərrüatı araşdırılır.
