Türkiyənin İstanbul şəhərində 16 mərtəbəli binada baş verən yanğın nəticəsində ölənlərin sayı 29-a çatıb.
Bu barədə “Haber Global” məlumat yayıb.
**17:48
Türkiyənin İstanbul şəhərində 16 mərtəbəli binada baş verən yanğın nəticəsində ölənlərin sayı 27-yə çatıb.
Bu barədə “Haber Global” məlumat yayıb.
**16:58
Türkiyə Prezidenti Rəcəb Tayyib Ərdoğan İstanbul vilayətinin Şişli rayonunda 16 mərtəbəli binada 15 nəfərin ölümü ilə nəticələnən yanğın barədə ölkənin daxili işlər naziri Ali Yerlikayaya zəng edib.
Bu barədə “TRT Haber” məlumat yayıb.
Bildirilib ki, nazir R.T.Ərdoğana hadisənin nəticələri barədə məlumat verib.
**
Türkiyədə İstanbul vilayətinin Şişli rayonunda 16 mərtəbəli binada yanğın nəticəsində ölənlərin sayı 15-ə çatıb.
Məlumatı “TRT Haber” yayıb.
Məlumata görə, 7-si ağır olmaqla 8 nəfər yaralanıb.
İstanbul valiliyi hadisə ilə bağlı araşdırma başladıb.
Qeyd edilib ki, binada yerləşən klubda aparılan təmir işləri zamanı yanğın baş verib. Ölən və yaralananların oranın işçiləri olduğu bildirilir.
**
Türkiyənin Şişli rayonunda 16 mərtəbəli binada yanğın nəticəsində 8 nəfər ölüb, 6-sı ağır olmaqla 15 nəfər xəsarət alıb.
Məlumatı “TRT Haber” yayıb.
Məlumata görə, İstanbul valiliyi hadisə ilə bağlı araşdırma başladıb.
Qeyd edilib ki, yanğın binanın mənfi 1 və mənfi 2-ci mərtəbələrində yerləşən klubda baş verib.
**
Türkiyədə İstanbul vilayətinin Şişli rayonunda 16 mərtəbəli binada yanğın olub.
Türkiyə KİV xəbər verir ki, hadisə Posta küçəsində olub.
İlkin məlumata görə, yanğın nəticəsində 2 nəfər ölüb, 2 nəfər yaralanıb.
Əraziyə yanğınsöndürənlər cəlb olunub. Hazırda yanğının söndürülməsi istiqamətində işlər davam edir.
Hadisənin səbəbi hələ ki məlum deyil.
