Azvision.az-ın bu gün Ermənistanın müdafiə naziri Suren Papikyan kimi təqdim etdiyi şəxsin şəklinə diqqətlə baxın. 
Senzor.az xatırladır ki, bu əslində keçmiş müdafiə naziri Vaqarşak Arutyunyandır. O, 2021-ci ilin iyulunda istefa verib. Onu bu vəzifədə əvvəlcə Arşak Karapetyan, sonra isə Suren Papikyan əvəzləyib.Yeri gəlmişkən, Vaqarşak Arutyunyan 1999-2000-ci illərdə də müdafiə naziri vəzifəsində çalışmışdı. Sonra siyasi fəaliyyətə başladı. 2002-ci ildə o vaxtkı prezident Robert Köçəryan tərəfindən cəzalandırıldı və general-leytenant rütbəsindən məhrum edildi. 2019-cu ildə prezident Armen Sarkisyanın fərmanı ilə onun rütbəsi bərpa olundu. Bundan sonra V.Arutyunyan 2020-ci ilin avqustunda baş nazir Nikol Paşinyanın baş müşaviri, həmin il noyabrın sonunda isə müdafiə naziri təyin edildi.
İstefadan sonra bir müddət işsiz qalan keçmiş müdafiə naziri bu il yanvarın 5-də Ermənistanın Rusiya Federasiyasında səfiri təyin olunub.
O ki qaldı indiki müdafiə naziri Suren Papikyana, onun şəkli budur:
Senzor.az
