Moskvanın Ostankino Məhkəməsi Marina Ovsyannikovanı canlı yayım zamanı “Birinci Kanal”da yayımlanan “Vremya” verilişinin studiyasına icazəsiz girdiyinə görə 30 min rubl cərimələyib.Senzor.az yerli KİV-ə istinadən bildirir ki, bu barədə məhkəmənin mətbuat katibi Kristina Yavkina məlumat verib.
M.Ovsyannikov Rusiya İnzibati Xətalar Məcəlləsinin 20.2-ci maddəsinin 2-ci hissəsi (Xəbərdarlıq vermədən kütləvi tədbirin təşkili və ya keçirilməsi) ilə təqsirli bilinərək 30 min rubl cərimələnib.
Qeyd edək ki, kanalın əməkdaşı Mariya Ovsyannikova martın 14-də xəbərlər proqramının canlı yayımı zamanı studiyada kameralar qarşısına çıxaraq, üstündə “Müharibəyə yox” sözləri yazılmış plakat açıb və “Müharibəni dayandırın!” şüarı səsləndirib.
Onun hazırda həbsdə olduğu bildirilir.
