“Təlimlərdə iştiraklar jurnalistlərin peşəkar vərdişlərə yiyələnməsi və media savadlılığı baxımından əhəmiyyətlidir”.
Senzor.az bildirir ki, bunu ”Mediada gender bərabərliyi və peşəkarlıq” mövzusunda media nümayəndələri üçün keçirilən təlimdə Medianın İnkişafı Agentliyinin media subyektləri və jurnalistlərlə iş şöbəsinin müdiri Natiq Məmmədli deyib.
O qeyd edib ki, cəmiyyəti maarifləndirmək öhdəliyi olan jurnalistlər media etikasından kənarda ciddi medianın olmadığını nəzərə almalıdırlar: “Biz medianın bir rəngdə olmasının tərəfdarı deyilik. Qeyri-ciddi məsələləri də xəbər standartlarına və jurnalist etikasına uyğun təqdim etmək peşəkar medianın fərqidir”.