Türkiyə Prezidenti Rəcəb Tayyib Ərdoğan ölkəsinin ABŞ-dan F-16 qırıcıları almadığı təqdirdə özü özünü təmin edəcəyini deyib.
"Cənab Bayden mənə bu məsələni (F-16 ilə bağlı) həll edəcəyimi vəd etdi. Bilirəm ki, Bayden buna müsbət baxır. Hətta respublikaçılarla görüşlərimiz oldu və onlar da buna müsbət baxacaqlarını dedilər. İndi əgər biz F-16 məsələsində ABŞ-dan istədiyimiz nəticəni almasaq, nə edəcəyik? Öz qayğımıza qalacağıq. Yoxsa ABŞ-la heç bir problemimiz yoxdur”, - deyə Ərdoğan PBS telekanalına müsahibəsində bildirib.
Qeyd edək ki, ABŞ daha əvvəl Ankaranın Rusiyadan S-400 hava hücumundan müdafiə sistemlərini alması səbəbindən Türkiyəyə ən son F-35 qırıcılarının tədarükü proqramından çıxarılması ilə bağlı rəsmi bildiriş göndərmişdi.
