İsrail və İran arasında bağlanmış atəşkəsin zaman məhdudiyyəti yoxdur, o “əbədi qüvvədə olacaq”.
ABŞ Prezidenti Donald Tramp bunu “NBC News” telekanalına müsahibəsində deyib.
“Düşünürəm ki, atəşkəs müddətsizdir. O əbədi davam edəcək”, – siyasətçi əmin edib.
O əlavə edib ki, müharibə “tamamilə başa çatıb” və İsrail ilə İranın “bir daha bir-birinə atəş açacağına” inanmır.
Senzor.az-dan xatırlatma: Daha əvvəl Tramp bəyan etmişdi ki, Təl-Əviv və Tehran 24 saat ərzində “12 günlük müharibənin rəsmi dayandırılması” olacaq atəşkəs barədə razılığa gəliblər.
**02:35
ABŞ Prezidenti Donald Tramp bildirib ki, İsrail və İran yaxın saatlarda atəşi tam dayandırmağa razılaşıblar.
Bu barədə o, “Truth Social”da yazıb.
"İsrail və İran 12 saat müddətinə tam atəşkəs barədə razılığa gəliblər (indiki vaxtdan təxminən 6 saat sonra - İsrail və İran cari və son əməliyyatlarını başa çatdırdıqda!) həmin andan müharibə bitmiş hesab olunacaq", – Tramp qeyd edib.
Onun sözlərinə görə, ilk olaraq İran atəşi dayandıracaq, "12-ci saatda" bunu İsrail də edəcək.
"24-cü saatda dünya 12 günlük müharibənin bitməsini qeyd edəcək, bu müharibə illərlə davam edə və bütün Yaxın Şərqi məhv edə bilərdi", – deyə ABŞ lideri əlavə edib.
