Avropada meşə yanğınları səbəbindən minlərlə insan təxliyə edilib.
Bu barədə "Sky News" məlumat yayıb.
Bildirilir ki, hazırda Fransa, İspaniya, Portuqaliya, Yunanıstan, Macarıstan və Xorvatiya da daxil olmaqla bir sıra Avropa ölkələrində şiddətli meşə yanğınları yayılmaqda davam edir. Yanğınlar səbəbindən minlərlə insan təxliyə edilib.
Təkcə Fransanın cənub-qərbindəki Jironde departamentində evlərin xilas edilməsinə 3 min yanğınsöndürən cəlb olunub.
Portuqaliyada 1000-dən çox yanğınsöndürən alovun yaşayış binalarına keçməsinə imkan verməməyə çalışır.
İspaniyada yanğınsöndürmə xidmətləri bir neçə meşə yanğını ocağına qarşı mübarizə aparırlar.
