İranın qərbində hərbçilərlə silahlı qruplaşma arasında atışma olub, nəticədə iki hərbçi ölüb.

İranın rəsmi televiziyası xəbər verir ki, bunu İranın Kürdüstan əyalətinin Sərhəd mühafizə xidmətinin komandiri polkovnik Arif Sepehri deyib.

Onun sözlərinə görə, ötən gecə əyalətin Bane və Rave rayonlarından terrorçular sızmaq istəyib. Bu zaman hərbçilərlə onlar arasında atışma baş verib. Polkovnik iki hərbçinin öldüyünü, terrorçuların zərərsizləşdirildiyini bildirib.

Sepheri terrorçuların mənsub olduğu silahlı qruplaşmanın adını açıqlamayıb.

“Report” xatırladır ki, İran ərazisinə İraqdan PKK terror təşkilatının yaraqlıları sızırlar. Qruplaşmanın İslam Respublikasında “Pejak” adlı qolu fəaliyyət göstərir.