Polşanın müdafiə naziri Mariuş Blaşçak Ukrayna ilə sərhəddə yeni ərazi müdafiə briqadalarının yaradıldığını elan edib.
Bu barədə voennoedelo.com nəşri məlumat yayıb.
Məlumata görə, briqadalardan biri paytaxtın, mühüm infrastrukturun mühafizəsi üzrə ixtisaslaşmalı, eləcə də şəhər ərazilərində döyüş əməliyyatları aparmağı bacarmalıdır.
Digər iki bölmə Polşa sərhədini qorumalı və sərhədçilərlə əməkdaşlıq etməlidir.
Bildirilib ki, hər briqadada yüngül piyada və komanda-qərargah batalyonları, həmçinin tibb, mühəndis və maddi-texniki təchizat bölmələri olacaq.
Qeyd edək ki, rəsmi Varşava artıq 15 ərazi müdafiə briqadası formalaşdırıb. Dəstələrin tərkibində 32 minə yaxın insan xidmət edir.
