Qazaxıstan Prezidenti Kasım-Jomart Tokayev Məkkədə Ümrə ziyarəti (kiçik Həcc) edib.
Senzor.az bildirir ki, bu barədə Qazaxıstan Prezidentinin mətbuat xidməti məlumat yayıb.
“İyulun 24-də dövlət başçısı Qasım-Jomart Tokayev İslamın əsas ziyarətgahında - Məkkə şəhərində Ümrə ziyarəti (kiçik Həcc) etdi”, - mətbuat xidməti bildirib.
Qeyd olunub ki, Prezident qapıları müstəsna hallarda yalnız hörmətli qonaqlar üçün açılan Kəbəyə daxil olub. Mətbuat xidməti bunu Səudiyyə Ərəbistanı rəhbərliyinin Qazaxıstan liderinə dərin hörmətlə yanaşmasının təzahürü kimi qiymətləndirib.
