İsrail Ukraynadakı vətəndaşlarını ölkəni dərhal tərk etməyə çağırıb.

Senzor.az yerli KİV-ə istinadən bildirir ki, İsrailin Kiyevdəki səfirliyinin Facebook-da yaydığı məlumatda belə deyilir.

Qeyd olunur ki, Ukraynadakı hərbi əməliyyatlarla əlaqədar İsrail Xarici İşlər Nazirliyi vətəndaşlarına yəhudilərin yığcam yaşadığı Uman şəhəri daxil olmaqla Ukraynaya səfər etməməyə çağırıb: “Ukraynada əhalinin məskunlaşdığı ərazilərə və mülki obyektlərə, o cümlədən ölkənin mərkəzində və qərbində raket zərbələri və hava hücumları təhlükəsi qalmaqdadır. Bu, həyat üçün real təhlükədir”.

Bildirilib ki, İsrail səfirliyinin əməkdaşları daimi əsaslarla Ukraynada deyillər və ehtiyac olduğu halda konsulluq yardımı göstərə bilməyəcəklər.