ABŞ Prezidenti Cozef Bayden bir neçə gün karantində qaldıqdan sonra bu gündən işə qayıdıb və Ağ Evdə çıxış edib.

Bu barədə TASS xəbər yayıb.

“Mənim COVID-19 testim beş gün özümü təcrid etdikdən sonra mənfi çıxıb. Xoşbəxtlikdən indi işə çıxa bilirəm. Allaha şükür ki, yüngül simptomlarım var idi, tez sağaldım və özümü əla hiss edirəm. Özümü təcriddə keçirdiyim bütün müddət ərzində heç bir müdaxilə olmadan işləyə, vəzifələrimi yerinə yetirə bildim”, - deyə o bildirib.

Cozef Bayden vurğulayıb ki, hazırda koronavirusun BA.5 altvariantı daha geniş yayılıb: “Bu, keçən qışda gördüyümüz omikron ştammının yüksək ötürücü variantıdır. Əslində, mənim yoluxduğum bu yeni varianta təkcə ABŞ-da deyil, bütün dünyada bir çox insan yoluxub. Bu virusun yayılmasını əngəlləmək üçün tədbirlər görməliyik”.