Misirdən Bolqarıstana səyahət edən gəmidə yaranan nasazlığa görə bağlanmış İstanbul boğazında hərəkət bərpa olunub.
Senzor.az yerli KİV-ə istinadən bildirir ki, mühərrikində nasazlıq yaranan və 134 metr uzunluğu olan “SPARTA” gəmisi təhlükəsiz əraziyə dartıldıqdan sonra boğazda hərəkət hər iki istiqamətdə adi rejimdə davam edir.
**23:24(29.07.2022)
İstanbul boğazında hərəkət dayandırılıb. Buna səbəb Misirdən Bolqarıstana səyahət edən gəmidə yaranan nasazlıq olub.
Senzor.az yerli KİV-ə istinadən bildirir ki, bu barədə Türkiyənin Sahil Mühafizəsi Baş İdarəsinin sosial media hesabında məlumat verilib.
“Bələdçi kapitanımız və “KURTARMA-12” və “NAZIM TUR” yedək gəmilərimiz Misirdən Bolqarıstana səfər edən və Yavuz Sultan Səlim körpüsü yaxınlığında nasazlıq yaranan 134 metr uzunluğundakı “SPARTA” gəmisinə yönəldilib. Nasazlığın aradan qaldırılması ilə bağlı işlərə başlanılıb”, - deyə verilən açıqlamada bildirilib.
Nasazlıq səbəbindən Bosfor boğazında hər iki istiqamətdə gəmilərin hərəkəti dayandırılıb.
