Papa Fransisk səhhətində yaranmış problemlərlə bağlı postunu tərk etməyə hazır olduğunu bildirib.

“Reuters” agentliyi xəbər verir ki, Katolik kilsəsinin 85 yaşlı rəhbəri son vaxtlar yeriməkdə çətinlik çəkir. O, fiziki vəziyyəti kilsəni idarə etməyə imkan verməyəcəyi təqdirdə istefa ehtimalını dilə gətirib.

“Mən düşünmürəm ki, səyahətimi əvvəlki ritmlə davam etdirə bilərəm”, - Fransisk Kanadaya bir həftəlik səfərdən qayıdarkən belə deyib.

Roma Papası Fransisk əzələ bağlarının iltihabı və sınığı nəticəsində yaranan bel ağrıları səbəbindən son aylar bir neçə dəfə əlil arabasından və əsadan istifadə etməli olub.