İranda genişmiqyaslı daşqınlar nəticəsində bir həftə ərzində azı 69 nəfər ölüb.
TASS bildirir ki, bu barədə bazar günü Respublika Fövqəladə Hallar Təşkilatının sədr müavini Nejad Cahani məlumat verib.
Cahaninin sözlərinə görə, ölənlərdən altısı İraq vətəndaşıdır.
Həmçinin, daha 45 nəfər itkin düşənlər siyahısındadır.
Qeyd edək ki, təbii fəlakət İranın 31 əyalətindən 24-nə zərər vurub.
Meteoroloqlar avqustun 1-dək dağlarda və çayların sahilində gəzintidən çəkinməyə çağırıb.
