Avropa ölkələrinin bəzilərinin Rusiyaya sanksiyalarına görə bir çox icarədar aviaşirkətlər öz təyyarələrini geri çağırmağa başlayıblar ki, bu da Ermənistan üçün problemlər yaradıb.
Senzor.az yerli KİV-ə istinadən bildirir ki, şirkətin direktoru Gevorq Xaçatryan “Ermənistan Hava Yolları”nın bir neçə reysinin təxirə salındığını bəyan edib və buna səbəb kimi Avropa sanksiyalarını göstərib.
Onun sözlərinə görə, aviadaşıyıcılarda layner çatışmazlığı yaşanır ki, bu da uçuşların vaxtında təşkilində problem yaradır və müntəzəm reyslərin gecikməsinə səbəb olur.
Xaçatryan bildirib ki, şirkətin Moskva və Hurqada planlaşdırılan reysləri məhz bu səbəbdən ləngiyib. O, yaranmış narahatlığa görə üzr istəyib, bildirib ki, sərnişinlərə bütün təzminatlar ödəniləcək.
