“British Airways” işçi çatışmazlığı səbəbindən qış dövrü üçün planlaşdırılan 10 minə yaxın uçuşun ləğv edildiyini açıqlayıb.

TRT Haber bildirir ki, Avropada hava limanlarında kadr çatışmazlığı aviaşirkətlərin fəaliyyətinə mənfi təsir göstərir.

Aviaşirkət mart ayının sonuna qədər uçuşları səkkiz faiz azaltmaq qərarı verib.

Qeyd edilib ki, qərar Londonun “Heathrow” hava limanına aiddir.

Açıqlamada oktyabrın 29-dək bu hava limanında 600-dən çox aviareysin ləğv ediləcəyi də bildirilib.

Şirkət yay aylarında uçuşların intensivliyini azaltmaq məqsədilə onları ləğv etmək qərarı vermişdi.