Böyük Britaniyanın Baş naziri Boris Conson yenə Kiyevə gedib.
Senzor.az yerli KİV-ə istinadən bildirir ki, o, Ukrayna dövlət başçısı Volodimir Zelenski ilə görüşüb.
Bildirilib ki, səfərin məqsədi Ukraynaın Dövlət Müstəqilliyi Günü ilə bağlı keçirilən tədbirdə iştirak etməkdir.
Conson Zelenski ilə görüş zamanı yeni yardım paketini açıqlayıb. O bildirib ki, paketə 850 mikrodron daxildir.
Görüşdən sonra Kiyevdə təşkil olunan birgə mətbuat konfransında Ukrayna Prezidenti Boris Consona “Azadlıq” Ordeni təqdim edib.
“Bütün ukraynalılar adından Boris Consona “Azadlıq” ordenini təqdim etmək şərəfinə nail oldum. Bu mükafat onun ölkəmiz və bütün Avropa üçün etdiklərini tam əks etdirir”, - deyə Zelenski vurğulayıb.
Qeyd edək ki, B.Conson iyulun 7-də Böyük Britaniyanın Baş naziri postundan istefa verib. O, payıza - növbəti seçkilərədək bu vəzifəni icra edir.
Senzor.az
