Türkiyə rusiyalı turistlər üçün dərman alış-verişi yerinə çevrilib, ruslar suvenirlərlə yanaşı, kurortlardan dərman alırlar.
Bu barədə “Hürriyet” qəzeti yazır.
"Bu yaxınlarda Türkiyədəki otellərdə məskunlaşan Rusiya vətəndaşlarının ilk gördükləri iş yaxınlıqdakı aptekləri axtarmaqdır. Bu mövsümün avqust ayına qədər 2 milyona yaxın rusun Türkiyəyə səfəri zamanı Aralıq dənizi və Egey bölgələrindəki otellərin yaxənlığında yeni apteklər açılıb. Antalya, Belek, Alanya, Kəmər, Marmaris və Bodrumdakı apteklərdə rus dərmanlarının türk analoqlarını əzbər bilən işçilər çalışır”, - qəzet yazır.
Məlumata görə, ötən ilin may ayından etibarən əczaçılıq məhsullarına tələbat nəzərəçarpacaq dərəcədə artsa da, hazırda dərmanlar və suvenirlər Türkiyədən Rusiyaya ixrac edilən bir nömrəli istehlak məhsulu olub.
"Aralıq dənizi sahilində bu vəziyyət "farmaşopinq" adı alıb. Türkiyəyə gələn Rusiya vətəndaşları əsasən şəkər xəstələri üçün dərmanlar, ağrıkəsici, antidepresan istəyirlər. Digər məşhur məhsul isə linzalardır. Türkiyədə kontakt linzaların qiymətləri Rusiyadakından 3 dəfə ucuzdur”, – “Hürriyet” yazır.
