Böyük Britaniya Ukraynaya ölkədən taxıl ixracını təmin etmək üçün xüsusi ləvazimatlar verəcək. Kiyev onların vasitəsilə Qara dənizdəki limanların yaxınlığında olan minaları təmizləyəcək.

Senzor.az yerli KİV-ə istinadən bildirir ki, Böyük Britaniya Müdafiə Nazirliyinin şənbə günü yaydığı bəyanatda belə deyilir.

Qeyd edilir ki, ölkəyə ümumilikdə altı pilotsuz sualtı aparat gətiriləcək. Onlardan üçü Britaniya Silahlı Qüvvələrinin ehtiyatlarından, qalanları isə London tərəfindən əlavə olaraq müdafiə şirkətlərindən alınacaq. Belə qurğular 100 m-ə qədər dərinlikdə işləmək qabiliyyətinə malikdir, sensorlar vasitəsilə minaların yerini tapmağa kömək edir.