Yaponiya Afrika ölkələrinə 30 milyard dollar ayıracaq. Vəsaitlər əsasən tibb müəssisələrinin inkişafına, eləcə də taxılın alınmasına yönəldiləcək.
Rbc.ua bildirir ki, bunu Yaponiyanın Baş naziri Fumio Kişida deyib.
O bəyan edib ki, Tokio Afrika ölkələri ilə daha yaxından işləmək istəyir. Hökumət başçısı vurğulayıb ki, Rusiyanın Ukraynaya təcavüzündən sonra müəyyən qaydalara əsaslanan beynəlxalq nizam təhlükə altındadır.
“Əgər status-kvonun güc yolu ilə birtərəfli dəyişməsinə icazə versək, bunun nəticələri təkcə Afrikaya deyil, bütün dünyaya yayılacaq”, - deyə Yaponiyanın Baş naziri həm də xəbərdarlıq edib.
Qeyd edək ki, 30 milyard dollar Afrika İnkişaf Bankı ilə sıx koordinasiya şərtilə üç il ərzində veriləcək.
