Almaniyada məscidlərə edilən irqçi hücumlara yenisi əlavə edilib.
TRT Haber-in məlumatına görə, Barnstorf şəhərindəki Mövlanə məscidinə “NSU 2.0” imzalı təhdid məktubu göndərilib.
Məktubda “Siz türklərin hamısını öldürəcəyik”, - yazılıb.
Xatırladaq ki, aprel ayında da Mövlanə məscidi hücumların hədəfi olub və məscidə irqçi təhdid məktubu göndərilib.
Ümumiyyətlə isə irqçi təhdidlərin tez-tez yaşandığı Almaniyada ötən il müsəlmanları və məscidləri hədəf alan 662 hücum baş verib.
