Böyük Britaniyanın yeni Baş naziri Liz Trass təyinatından sonra ilk danışığını Ukrayna Prezidenti Volodimir Zelenski ilə aparıb.
Senzor.az bildirir ki, Ukrayna lideri bu barədə “Twitter” səhifəsində məlumat yayıb.
“Ukraynaya müdafiə və iqtisadi dəstəyinə görə Britaniya xalqına minnətdarlığımı bildirdim. Vacib olan odur ki, Böyük Britaniya onun daha da güclənməsinə hazırdır. Biz təhlükəsizlik zəmanətlərinə diqqət yetirdik”, - deyə Zelenski bildirib.
Dövlət başçısı qeyd edib ki, söhbət zamanı Ukraynanın bərpasında Britaniyanın iştirakı məsələsinə də toxunulub.
"Biz Rusiya Federasiyasına növbəti təzyiqləri koordinasiya etdik. Məqsəd təcavüzü dayandırmaq və günahkarları məsuliyyətə cəlb etməkdir. Rusiyanın terrorçu dövlət kimi tanınması vacibdir. Biz bütün formatlarda fəal əməkdaşlığı davam etdirəcəyik", - deyə Zelenski vurğulayıb.
Söhbət zamanı Zelenski Trassı Ukraynaya səfərə dəvət edib
